மௌன சப்தம் - கவிதை
-------------------------
இலைகளின் மௌன சப்தம்
வேர்களை நீள வைக்கும்
மலர்களின் மௌன சப்தம்
வண்டினை வரவழைக்கும்
மலைகளின் மௌன சப்தம்
மரங்களைச் செழிக்க வைக்கும்
துளைகளின் மௌன சப்தம்
காற்றுக்குக் காத்திருக்கும்
இயற்கையின் மௌன சப்தம்
இறைவனைத் துணைக்கழைக்கும்
இறைவனின் மௌன சப்தம்
உலகினை இயங்க வைக்கும்
மௌனத்தின் மௌன சப்தம்
மனதினை மலர வைக்கும்
----------------------------நாகேந்திர பாரதி
My Poems/Stories in Tamil and English
கருத்துகள் இல்லை:
கருத்துரையிடுக