ஞாயிறு, 19 மார்ச், 2017

அவரவர் கவலை

அவரவர் கவலை
------------------------------
சில பேருக்கு
தூக்கமே வரலைன்னு கவலை

சில பேருக்கு
கனவா வருதுன்னு கவலை

சில பேருக்கு
சாப்பாடே இல்லைன்னு   கவலை

சில பேருக்கு
ருசியா இல்லைன்னு கவலை

அவரவர் கவலை
அவரவர் வாழ்க்கை
---------------------------------------------நாகேந்திர பாரதி
http://www.nagendrabharathi.com

வியாழன், 16 மார்ச், 2017

வாட்ஸ் அப் புரணிகள்

வாட்ஸ் அப்  புரணிகள்
-------------------------------------
வீட்டுப் புரணியெல்லாம்
விசேஷமாய் இருந்துச்சு

உள்ளூர்ப் புரணியும்
உற்சாகமாய் தெரிஞ்சிச்சு

நாட்டுப் புரணியோ
நச்சுன்னு அமைஞ்சுச்சு

வாட்ஸ் அப்  புரணிகளோ
வத வதன்னு வந்த பின்னே

எல்லாப் புரணிகளும்
புரளிகளாய்ப் போயாச்சு  
---------------------------------------நாகேந்திர பாரதி
http://www.nagendrabharathi.com

புதன், 15 மார்ச், 2017

பழுத்த இலைகள்

பழுத்த இலைகள்
-----------------------------
பருத்த மரங்களின்
புடைத்த வேர்களை

மூடிக் கிடக்கும்
பழுத்த இலைகள்

காற்றின் துணையால்
மேலே பறந்து

பச்சை இலைகளைத்
தடவிப் பார்த்து

பழைய வாழ்க்கை
உணர்ந்து திரும்பும்
----------------------------------நாகேந்திர பாரதி
 http://www.nagendrabharathi.com

ஞாயிறு, 12 மார்ச், 2017

வாழ்க்கைப் பயணம்

வாழ்க்கைப் பயணம்
--------------------------------------
வளைந்தும் நெளிந்தும்
வளரும் மரம்

வளைந்தும் நெளிந்தும்
ஓடும் ஆறு

வளைந்தும் நெளிந்தும்
வீசும் காற்று

வளைந்தும் நெளிந்தும்
போகும் பாதை

வளைந்தும் நெளிந்தும்
வாழ்க்கைப் பயணம்
------------------------------------நாகேந்திர பாரதி
http://www.nagendrabharathi.com

வெள்ளி, 10 மார்ச், 2017

நெடுவாசல் நடுவயிறு

நெடுவாசல் நடுவயிறு
-----------------------------------------
நிலமென்னும் நல்லாளின்
உளம் மகிழப் பாடுபட்டு

வயலுக்கு நீர் பாய்ச்சி
உரமிட்டு களையெடுத்து

பயிராக்கி நெல்லாக்கி
அரிசியாக்கி சோறாக்கி

வீட்டுக்கு உணவு தரும்
விவசாயி விடுவாரா

நாட்டுக்கு நல்லதென்று
நடு வயிற்றில் குத்த வந்தால்
-------------------------------------நாகேந்திர பாரதி
 http://www.nagendrabharathi.com

புதன், 8 மார்ச், 2017

பெண் என்றால் பெண்

பெண் என்றால் பெண்
-------------------------------------
பெண் என்றால் பெண்
அவ்வளவே பெண்

அன்பின் உருவமா -
அவசியம் இல்லை

அழகின் பருவமா  -
அவசியம் இல்லை

அடக்கத்தின் கருவமா -
அவசியம் இல்லை

அவசியம் இல்லை - பெண்
அதிசயம் இல்லை

பெண் என்றால் பெண்
அவ்வளவே பெண்
-------------------------------நாகேந்திர பாரதி
http://www.nagendrabharathi.com

ஞாயிறு, 5 மார்ச், 2017

இரவுப் பொழுது

இரவுப் பொழுது
------------------------
வெயிலில் வேர்த்து
விறைத்த வானம்

நிலவில் குளித்து
நெளியும் நேரம்

நட்சத்திரக் கூட்டம்
நறுமணம் வீச

மேகக் கூட்டம்
மென்புகை பூச

வானப் பெண்ணின்
வசந்தப் பொழுது
----------------------------------நாகேந்திர பாரதி
http://www.nagendrabharathi.com