இருளும் ஒளியும்

இருளும் ஒளியும்

---------------------------

இருளும் ஒளியும் 

இணையும் முக்தி 

வெளியும் உள்ளும் 

விளையும் பக்தி 

இமைகள் மூடியும் 

வெளிச்சம் வீசும் 

இமைகள் திறந்தும் 

இருட்டைப் பேசும் 

உலகின் உயிரின் 

ஒன்றாம் சக்தி 

---------------------------நாகேந்திர பாரதி

http://www.businesspoemsbynagendra.com  

சுற்றுப் பிரகாரம்

சுற்றுப் பிரகாரம் 

-------------------------

கர்ப்பக் கிரகத்தை விட 

சுற்றுப் பிரகாரம் சுகமானது 

காற்றும் அதிகம் 

கடவுளரும் அதிகம் 

உள்ளிருக்கும் கடவுளுக்கு 

தீப ஒளி அவசியம் 

வெளியிருக்கும் கடவுளர்க்கு 

வெளிச்சமெல்லாம் போதும்  

உரசாமல் கொள்ளாமல் 

உட்கார்ந்தும் கும்பிடலாம் 

-------------------------------நாகேந்திர பாரதி 

http://www.businesspoemsbynagendra.com 

பரிணாம முகங்கள்

பரிணாம முகங்கள் 

--------------------------------

பறவையும் விலங்கும் 

பரிணாம வளர்ச்சியில் 

மனிதனாய் மாறியதை 

மறுக்க முடியாத 

அங்க அடையாளமாய் 

அவரவர் முகங்கள் 

நரியாய்ச் சிங்கமாய் 

நாயாய் ஆண்கள் 

குருவியாய்க் கழுகாய்  

கோழியாய்   பெண்கள்  

-------------------------நாகேந்திர பாரதி 

http://www.businesspoemsbynagendra.com 

நிமிடங்களில் வாழ்க்கை

நிமிடங்களில் வாழ்க்கை 

-------------------------------------

நிமிடங்களில் இருக்கிறது வாழ்க்கை 

குளித்து விட்டுத்  தலை துவட்டும் 

நிமிடத்திலும் 

படித்து விட்டுக்  கண் அயரும் 

நிமிடத்திலும் 

பேசி விட்டுச் சிரிக்கின்ற 

நிமிடத்திலும் 

பிரிந்து விட்டு அழுகின்ற 

நிமிடத்திலும் 

கடந்து விட்ட அனுபவத்தின்  

கசப்பாக இனிப்பாக 

நிமிடங்களில் இருக்கிறது வாழ்க்கை 

-------------------------------நாகேந்திர பாரதி 

http://www.businesspoemsbynagendra.com 

காம்பும் பூவும்

காம்பும் பூவும் 

--------------------------

பூவைச் சுமையாய் 

நினைத்திருந்தால் 

காம்பும் பூவைச் 

சுமந்திருக்காது

காம்பை முள்ளாய் 

நினைத்திருந்தால்  

மொட்டும் காம்பில்

மலர்ந்திருக்காது 

காம்பாய்ப் பூவாய்க்  

காதலர் உறவு 

-----------------------நாகேந்திர பாரதி 

http://www.businesspoemsbynagendra.com

ஒத்தையடிப் பாதை

ஒத்தையடிப் பாதை 

------------------------------

கருவச் செடிகளும் 

கண்மாய்த் தண்ணியுமாய் 

மழைக் காலத்தில் 

கால்கள் போட்டுவிட்ட 

கருப்புத்  தடங்களாய் 

கோடைக் காலத்தில் 

ஊருக்குப் போகும் பாதை 

ஒழுங்காய் வருவதற்கு 

ஒருவர் அடி மேலே 

மற்றவரும்  அடி வைத்த

ஒற்றுமைப் பாதை 

-------------------------நாகேந்திர பாரதி 

http://www.businesspoemsbynagendra.com 

காதல் பேய்

காதல் பேய்

----------------------

பார்த்தும் பார்க்‌காமல் 

போவதில் ஆரம்பித்து 

பேசியும் பேசாமல் 

போவதில் தொடர்ந்து 

பார்த்துக் கொண்டே 

இருக்க  வேண்டுமென்றும் 

பேசிக் கொண்டே 

இருக்க வேண்டுமென்றும் 

பிடித்து  ஆட்டும் 

காதல் பேய் 

---------------------நாகேந்திர பாரதி 

http://www.businesspoemsbynagendra.com 

வண்ணக் காட்சி

வண்ணக் காட்சி

---------------------------

வாய்க்கால் தண்ணியில் ஓடும் 

வெள்ளை மீன்கள் 

வரப்பில் பூத்துக் கிடக்கும் 

சிவப்புச் செடிகள் 

வயலில் முளைத்துக் கிளம்பும் 

பச்சை நாத்து 

வட்டம் அடிக்கும் பழுப்புச் 

சிட்டுக் குருவிகள்  

வண்ணம் குழைத்துச்  சிரிக்கும்   

கிராமக் காட்சி 

-------------------------நாகேந்திர பாரதி

http://www.businesspoemsbynagendra.com

விளையாட்டுப் பாப்பா

விளையாட்டுப் பாப்பா 

-----------------------------------

ஓடும் மட்டும் 

ஓட விட்டும் 

ஆடும் மட்டும் 

ஆட விட்டும் 

பாடும் மட்டும் 

பாட விட்டும் 

படிக்க மட்டும் 

எழுத மட்டும் 

பாவம் போலப் 

பார்க்கும் பாப்பா 

-------------------------நாகேந்திர பாரதி 

http://www.businesspoemsbynagendra.com 

உயிரின் வலி

உயிரின் வலி 

----------------------

உறவோ நட்போ 

பிரியும் நேரம் 

உயிரின் ஓரம்   

கிழியும் வலி 

சேர்ந்து இருந்த 

வாழ்க்கைத் தருணம் 

வளர்த்து  வந்த 

உயிராம்  மரத்தின் 

இலைகள் உதிரும் 

வலியும் தெரியும் 

------------------------நாகேந்திர பாரதி 

http://www.businesspoemsbynagendra.com 

கருத்து விதை கவிதை

கருத்து விதை கவிதை 

---------------------------------------

இலக்கியமும் இலக்கணமும் 

இணைந்த சோலை 

கலக்கியதில் புகுந்திட்ட 

தமிழாம்  காற்றின் 

மலர்க்கூட்ட மணத்துக்குள் 

மயங்கி விட்ட 

மனதுக்குள் கருத்துக்கள் 

விதையாய் மாறி 

வளர்ந்திட்ட  கவிதைகளில்  

வாழ்ந்து பார்ப்போம்   

--------------------------நாகேந்திர பாரதி 

நட்பு நடப்பு

நட்பு நடப்பு 

----------------------

அந்த நடைதான் - அவரை

அடையாளம் காட்டியது 

விலகிய வலக் கையும் 

உந்திய உள்ளங் காலுமாய் 

பேண்டு சட்டை 

வேட்டி துண்டாகி உள்ளது 

தொப்பை கரைந்து 

ஒட்டிய வயிற்றோடு 

விசாரிக்க ஆசைதான் 

வேண்டாம் விட்டு விடலாம் 

-------------------------------------நாகேந்திர பாரதி 

http://www.businesspoemsbynagendra.com 

வடக்கும் தெற்கும்

வடக்கும் தெற்கும் 

----------------------------

இருந்த மலை இமய மலை 

புயலிலும் மழையிலும்

புரண்டு ஓடி வந்து 

விழுந்த மலை வேறு மலை 

வெட்டுண்டு சிலை ஆகி 

கோயிலுக்குள் வந்த பின்பு 

கும்பிட்டு வருகின்ற 

பக்தர்கள் கூட்டத்தில் 

வடக்கென்ன தெற்கென்ன 

வெளுப்பென்ன  கருப்பென்ன

-------------------------------------நாகேந்திர பாரதி 

http://www.businesspoemsbynagendra.com 

 

மகளிர் தினம்

மகளிர் தினம் 

---------------------

ஒவ்வொரு பருவத்திலும்  

ஒவ்வொரு உருவம் 

குழந்தைப் பருவத்தில் 

தாயின் உருவம் 

இளமைப் பருவத்தில் 

காதலியின் உருவம் 

குடும்பப் பருவத்தில் 

மனைவியின் உருவம் 

முதுமைப் பருவத்தில் 

சக்தியின் உருவம் 

ஒவ்வொரு தினமும் 

மகளிர் தினமே 

------------------------நாகேந்திர பாரதி 

http://www.businesspoemsbynagendra.com 

  

வேண்டுதல் வேண்டாமை

வேண்டுதல் வேண்டாமை 

-----------------------------------------

மண்ணும் நீரும் தீ 

விண்ணும் காற்றும் சேர்ந்த 

உடம்பு  வளர்வதற்கு  - நல்ல 

உணவு வேண்டும் 

உள்ளம் வளர்வதற்கு  - நல்ல 

உணர்வு வேண்டும் 

இன்னும் வேண்டுமென்று  

எண்ணம் தூண்டி  விட்டால் 

இன்பம் சீண்டாமல்   - துன்ப 

இருட்டு தீண்டிவிடும் 

--------------------------------நாகேந்திர பாரதி 

மலர்மிசை ஏகினான்

மலர்மிசை ஏகினான் 

--------------------------------

உள்ளமெனும்    மலரின் 

உதிராத  இதழ்களாய் 

கள்ளமிலா வாழ்வும் 

கருணையுள்ள வடிவும் 

நல்லவர்க்கு நேரும் 

நன்மையெல்லாம் சேரும் 

இல்லையென்ற சொல்லே 

இறந்த பின்பும் இல்லை 

உண்டென்ற புகழே 

உயர்ந்தவர்க்கு அழகே 

------------------------------நாகேந்திர பாரதி 

கற்றதனால் ஆய

கற்றதனால் ஆய 

-----------------------------

எம் பி பி எஸ் படிச்சுட்டு 

எல்லாமே அறுத் தாச்சு 

எம் எஸ் ஸி படிச்சுட்டு 

எல்லாமே சிறுத் தாச்சு 

எம் பி ஏ படிச்சுட்டு 

எல்லாமே கருத் தாச்சு 

என்னென்னமோ  படிச்சுட்டு 

எல்லாமே நிறுத் தாச்சு

ஏறுமூச்சு நேரத்திலே 

எல்லாமே வெறுத் தாச்சு  

-------------------------------நாகேந்திர பாரதி 

 

அகர முதல

அகர முதல 

--------------------

'அம்மா' என்று  

அசைத்துப் பழகியதால் 

'அ' னா எழுத

அழகாக வருகிறது 

'அப்பா' என்று 

ஆடிப் பழகியதால் 

அன்பே உலகம் 

அன்றே தெரிகிறது 

போகப் போகத்தான் 

புரியாமல் போகிறது 

------------------------நாகேந்திர பாரதி 

http://www.nagendrabharathi.com

சன்னல் வழி உலகம்

சன்னல் வழி உலகம் 

--------------------------------

அந்த சன்னல்கள்தான் உலகை 

அறிமுகம் செய்து வைத்தன 

இயற்கையின் எளிமையை

வாழ்க்கையின் வலிமையை 

உறவின் கனத்தை 

இரவின் மௌனத்தை 

அர்த்தம் புரிய வைத்தன 

சிலருக்கு பெற்றோராய் 

சிலருக்கு ஆசிரியராய் 

சிலருக்கு நண்பராய் 

சிலருக்கு யாரோ சிலராய் 

அந்த சன்னல்கள்தான் 

----------------------------நாகேந்திர பாரதி