ஞாயிறு, 24 மார்ச், 2013

மாறும் மனிதம்

மாறும் மனிதம்




-------------------------



பரிணாம வளர்ச்சியிலே



உடலைப் பெற்று



பயமான உணர்ச்சியிலே



உள்ளம் பெற்று



விரிவான இயற்கையிலே



வேலை கற்று



பெரிதான உலகத்தில்



பேதம் பெற்று



மலையாக மடுவாக



மாறும் மனிதம்



-------------------------------------நாகேந்திர பாரதி





சனி, 23 மார்ச், 2013

அடுப்படிக் கைதிகள்

அடுப்படிக் கைதிகள்




--------------------------------------



ஒண்ணு ரெண்டு கழுவி விட்டு



உக்காத்திக் குளிப்பாட்டி



அடி உதை திட்டு வாங்கி



ஆடையிட்டு ஊட்டிவிட்டு



படிப்பையும் பதவிசையும்



பார்த்துப் பூரித்து



ஒண்ணொண்ணும் பெருசாகி



ஊரு தேசம் பறந்தாலும்



அம்மாச்சிகளும் அப்பத்தாக்களும்



அடுப்படியே கதியாக



------------------------------நாகேந்திர பாரதி






திங்கள், 11 மார்ச், 2013

உதிரிப் பூக்கள்

உதிரிப் பூக்கள்




----------------------------



அமில வீச்சும்



ஆபாசப் பேச்சும்



உமிழும் கொடியவர்



உன்மத்தம் அடக்க



உதிரிப் பூக்கள்



உருக்காய் மாறட்டும்



இரும்பு மாலையாய்



இணைந்து சேரட்டும்



இதயம் இழந்தவர்



கழுத்தை இறுக்கட்டும்



-------------------------------நாகேந்திர பாரதி







வியாழன், 7 மார்ச், 2013

முளக்கட்டுத் திண்ணை




முளக்கட்டுத் திண்ணை



-------------------------------------------



முக்குத் தெருவிலே



முளக்கட்டுத் திண்ணை



வருடத்துக்கு ஒரு முறை



வாழ்வு பிறக்கும்



மைக்செட்டு போட்டு



பாட்டு பறக்கும்



முளைப்பாரி இறக்கி



கும்மி குதிக்கும்



மத்த நாட்களில்



மாடுகள் மேயும்



--------------------------நாகேந்திர பாரதி






விடுமுறை தினங்கள்

விடுமுறை தினங்கள்




---------------------------------------



அஞ்சு நாள் வேலையாம்



ரெண்டு நாள் விடுப்பாம்



ரெண்டு நாள் வேலை வச்சு



அஞ்சு நாள் விடுப்பு விட்டா



வேலையும் கொஞ்சம்



வெரசா முடியும்



சுத்துப்புறம் இன்னும்



சுத்தமா இருக்கும்



வீட்டிலேதான் கொஞ்சம்



வீண் சண்டை வளரும்



--------------------------------------நாகேந்திர பாரதி






சனி, 2 மார்ச், 2013

மாறிப் போனவர்கள்

மாறிப் போனவர்கள்




-------------------------------------



ஒடிஞ்சு ஒடிஞ்சு நடக்கறவ



ஊர்வசியாத் தான் இருக்கும்



நெடு நெடுன்னு வளந்தவ



ஓட்டப் பந்தயம் ஜெயிச்சவ







தொந்தியும் தொப்பையுமா



தொஞ்சு நடக்கிறவன்



தம்பித்துரையாத் தான் இருக்கும்



அப்பவே ஆளு



கொஞ்சம் குண்டுதான்







ஊருக்குத் திரும்ப



மண்டபத்தில் இருக்கிறப்போ



டீக்கடைக் குள்ளிருந்து



குரலு கேட்குது







கருகருன்னு முடியோட



திரிஞ்ச கதிரேசனா



பஞ்சுப் பொதியாகிப்



பரதேசியாத் தெரியிறானே







நம்மளைத்தான் சொல்றாய்ங்க



நமக்குத் தெரியாதவய்ங்க



-------------------------------------------------நாகேந்திர பாரதி