பவர் ஸ்டார்

பவர் ஸ்டார்




--------------------------



மனக் கவலைகள்



மறைந்து போகும்



உடல் உபாதைகள்



கரைந்து போகும்



கடன் தொல்லைகள்



காணாமல் போகும்



காதல் வாழ்வு



தானாகச் சேரும்



பவர் ஸ்டாரைப்



பார்த்தாலே போதும்



---------------------------நாகேந்திர பாரதி

காதல் கண்ணாமூச்சி

காதல் கண்ணாமூச்சி




----------------------------------------------



அழுகையும் சிரிப்பும்



அணைப்பும் முறைப்பும்



பிரிதலும் சேர்தலும்



பேச்சும் மௌனமும்



நாணமும் வேகமும்



நடிப்பும் துடிப்பும்



ஊடலும் கூடலும்



உவர்ப்பும் இனிப்பும்



காதலர் ஆடும்



கண்ணாமூச்சி ஆட்டம்



--------------------------------நாகேந்திர பாரதி

நன்றித் திருவிழா

நன்றித் திருவிழா




-----------------------------------



மழைக்கு நன்றி



மாட்டுக்கு நன்றி



நிலத்திற்கு நன்றி



நெல்லுக்கு நன்றி



கதிருக்கு நன்றி



கரும்புக்கு நன்றி



விளை நிலங்கள் எல்லாம்



வீடுகளாய் ஆன பின்பு



நன்றி சொல்ல



நாதி இருக்குமா



------------------------------நாகேந்திர பாரதி

காதல் பாதை

காதல் பாதை




---------------------------



பேச்சும் சிரிப்பும்



பிரிவும் சேர்தலும்



மூச்சும் முடிவும்



முன்னும் பின்னும்



வாழ்க்கைப் பாதையின்



வழித் தடங்கள்



காதல் பாதைக்கு



பார்வை போதும்



கண்கள் போதும்



கண்ணீர் போதும்



-----------------------------------நாகேந்திர பாரதி

என்னென்ன ஆச்சு

என்னென்ன ஆச்சு




-----------------------------------



உருண்டு புரண்டு



வந்தாச்சு



படிச்சு மறந்து



போயாச்சு



எழுதிக் கிழிச்சு



இருந்தாச்சு



வளைஞ்சு நெளிஞ்சு



நின்னாச்சு



இருந்து இறந்து



மண்ணாச்சு



----------------------------நாகேந்திர பாரதி

'எங்கிருந்தாலும் வாழ்க '

'எங்கிருந்தாலும் வாழ்க '




------------------------------------------------



நேற்றிருந்த காலம்



நெஞ்சிலே நிழலாடும்



பூத்திருந்த காதல்



புன்னகை உறவாடும்



காத்திருந்த காலம்



கண்ணீரில் கழிந்தாலும்



சேர்த்திருந்த உறவுக்கு



செலவாக உயிர் போகும்



'எங்கிருந்தாலும் வாழ்க'



'நெஞ்சில் ஓர் ஆலயம்'



--------------------------------------நாகேந்திர பாரதி

காதல் கதை

காதல் கதை




-------------------------------



அந்தக் கோபத்தில் ஒரு



குறும்பு இருக்கும்



அந்தக் குறும்பில் ஒரு



கொஞ்சல் இருக்கும்



அந்தப் கொஞ்சலில் ஒரு



காதல் இருக்கும்



அந்தக் காதலில் ஒரு



கலக்கம் இருக்கும்



அந்தக் கலக்கத்தில்



ஒரு கதை இருக்கும்



-------------------------------நாகேந்திர பாரதி

குடிகாரர் கூட்டம்

குடிகாரர் கூட்டம்




----------------------------------



அருகம்புல் சாறு



சர்க்கரை நோய்க்காம்



முடக்கத்தான் சாறு



மூட்டு வலிக்காம்



துளசிச் சாறு



இருமல் சளிக்காம்



சொல்லாமல் தெரியும்



எல்லோரின் நோயும்



வாக்கிங் பார்க்கில்



குடிகாரர் கூட்டம்



---------------------------நாகேந்திர பாரதி

குழந்தை உள்ளம்

குழந்தை உள்ளம்




--------------------------------



'யாரையும் திட்டக் கூடாது'



என்று சொல்லி



திட்டும் போதும்



'யாரையும் அடிக்கக் கூடாது'



என்று சொல்லி



அடிக்கும் போதும்



சொன்னதைச் செய்யாத



அம்மாவைப் பார்த்து



குழம்பிப் போகும்



குழந்தை உள்ளம்



-------------------------நாகேந்திர பாரதி