வலி போகும் நேரம் - கவிதை
--------------------------------
முற்றிய முதுமை நோயில்
முனகும் அவள் கண்ணுக்குள்
முதலிரவுக் கணவன் முகம்
முதற்பிள்ளை பிரசவ நாள்
அப்பாவின் அமைதி முகம்
அம்மா சுட்ட தோசை
அலுவலக நண்பர் அரட்டை
ரெயிலுக்கு ஓடிய ஓட்டம்
தங்கச்சி கல்யாண மண்டபம்
மதுரை சென்னை கோவை
தம்பி படித்த கல்லூரி
வீட்டு மாடி நிலா
பாட்டி பாடிய பாட்டு
டிவி சினிமா நாடகம்
கோயில் கோபுரம் சூடம்
சலங்கை சத்தம் பாட்டு
வெயில் காற்று மழை
விண் விண் வலி
காட்சியும் உணர்ச்சியும் கலந்து
காணாமல் போகும் வலி
------------------நாகேந்திரபாரதி
My Poems/Stories in Tamil and English
