இசை மேதை எஸ் பி பி அவர்களுக்கு அஞ்சலி
அலை வரிசை - கவிதை
———————-----------------
கேட்க முடிந்த
அலைவரிசையில்
கேட்டுக் கொண்டிருக்கிறோம்
நாம்
கேட்க முடியாத
அலை வரிசைக்கு
கிளம்பிப் போய் விட்டது
நாதம்
——————————————நாகேந்திர பாரதி
My E-books in Tamil and English
மௌனத்தின் சப்தம் - கவிதை
-----------------------------------------------------
இலைகளின் மௌன சப்தம்
வேர்களை நீள வைக்கும்
சிலைகளின் மௌன சப்தம்
சிற்பியைப் பேச வைக்கும்
வறுமையின் மௌன சப்தம்
புரட்சியைப் பூக்க வைக்கும்
கருமையின் மௌன சப்தம்
வெண்மையை விளங்க வைக்கும்
இயற்கையின் மௌன சப்தம்
உலகினை இயங்க வைக்கும்
மௌனத்தின் மௌன சப்தம்
மனதினை மலர வைக்கும்
-------------------------------------------நாகேந்திரபாரதி
அமைதியின் ஆர்ப்பாட்டம்- கவிதை
---------------------------------------------------------------
இயற்கையின் உலகப்
போக்கின் புலம்பலை
உற்றுப் பார்த்து
அடங்கிக் கிடக்கும்
அமைதியின் ஆர்ப்பாட்டம்
என்னவென்று சொல்ல
----------------------------------நாகேந்திரபாரதி
My E-books in Tamil and English
பழைய வீடு - கவிதை
--------------------------------------
அப்பத்தா சிலுக்கெடுத்த
முற்றத்தைக் காணோம்
அம்மாச்சி தோசை சுட்ட
அடுப்படியைக் காணோம்
தாத்தா படுத்திருந்த
படுக்கையறை காணோம்
சின்னம்மாக்கள் விளையாடிய
திண்ணையைக் காணோம்
உறவுகளால் கட்டிய
செங்கல் வீடு
உரு மாறி இப்போது
சிமெண்டு வீடாய்
--------------------------நாகேந்திர பாரதி
நிழல் நிறுத்தம் - கவிதை
------------------------------------------------
நான் நடந்து கொண்டு இருந்தேன்
என்னுடைய நிழலும்
என்னோடு சேர்ந்து
நடந்து கொண்டே வந்தது
போகச் சொன்னேன்
போக மாட்டேன் என்றது
காலால் உதைத்துப் பார்த்தேன்
அப்படியும் போகவில்லை
என்னுடைய நிழல் கூட
என் பேச்சைக் கேட்பதில்லை
சூரியனிடம் தான்
சொல்லிப் பார்க்க வேண்டும்
---------------------------------------------நாகேந்திரபாரதி
My E-books in Tamil and English
