திங்கள், 1 ஜூன், 2009

அதனதன் போக்கு

அதனதன் போக்கு

------------------------

கண்மாய்க் கரைச் சகதியில்

தன் போக்கில் கொடி நீட்டி

மண்டிக் கிடக்கும் தாவரம்

ஊர்க் கோடிச் சாவடியில்

கழனித் தண்ணி குடித்து விட்டு

அசை போட்டுக் கிடக்கும் எருமை

காற்றுக்கு மட்டும் அசைந்து கொண்டு

பூப் பூத்து இலை உதிர்த்து

நெட்டையாய் நிற்கும் மரம்

சுற்றிக் கரை சூழ்ந்திருக்க

அடியில் மீன்கள் ஆடியிருக்க

தண்ணியும் தானுமாய்க் குளம்

மக்களும் ஊர்திகளும் மிதித்தோட

வளைந்து நெளிந்து நீண்டு

மல்லாந்து கிடக்கும் மண் வீதி

மண்ணும் செங்கல்லும் கலந்து கட்டி

மனிதர்களை உள்ளடக்கி

மூச்சும் பேச்சுமின்றி வீடுகள்

பிறந்து வளர்ந்து சிரித்து

இன்பம் துன்பம் பார்த்து

ஏதோ நினைப்பில் மக்கள்

-----------------------------------------நாகேந்திர பாரதி

கருத்துகள் இல்லை:

கருத்துரையிடுக