வெள்ளி, 29 மே, 2009

பழக் கடை அம்மா

பழக் கடை அம்மா
-----------------------
அந்தப் பழக் கடைக்கே அடையாளம் அந்த அம்மாதான்
வெட்டி வைத்த பழத்திற்கு ஈ மொய்க்கா ஈர வலை
தர்பூசணி ஆகட்டும் பப்பாளி ஆகட்டும்
தட்டிப் பார்த்தே தரத்தை சொல்லி விடும்
கையாலே எடை போட்டு காசைக் கேட்டு விடும்
தூக்க மாட்டாமல் உடம்பைத் தூக்கி வரும்
சிரிப்பும் பொட்டும் எப்பவும் பெரிசு
நேத்து போஸ்டரிலும் பொட்டும் சிரிப்புமாய்
முந்தா நாளு முடிஞ்சு போச்சாம்
எந்தப் பழமுமே இனிப்பதில்லை இப்போது
--------------------------------------நாகேந்திர பாரதி
-----------------------------------------------------------------------

கருத்துகள் இல்லை:

கருத்துரையிடுக