வெள்ளி, 15 மே, 2009

சொக்க வைத்த சுசீலா

சொக்க வைத்த சுசீலா

----------------------------

உச்சரித்த 'கள்' ளினிலே

உள்ளிருக்கும் கள்ளின் போதை

வாயசைக்கும் நடிகை உன்

வார்த்தையினால் அழகாவாள்

தாய்மொழியாய் இல்லெனினும்

தமிழுக்குள் பால் குடித்தாய்

கண்ணதாசன் வாலியின்

கவிதைக்குத் தேன் கொடுத்தாய்

வானொலியின் வாய் அருகே

காதுகளைக் கட்டி வைத்தாய்

தேன் குரலைக் கேட்கையிலே

பசி தாகம் ஓட்டி வைத்தாய்

தனியாகப் பாடுகையில்

தாய்மைக் குரல் கொடுத்தாய்
சேர்ந்து பாடுகையில்
செல்லக் குரல் தொடுத்தாய்

உன் குரலைக் கேட்டு

வளர்ந்ததனால் தானோ

இன்னமும் காதல்

செய்து கொண்டு இருக்கின்றோம்

--------------------------------நாகேந்திர பாரதி

------------------------------------------------------------------

கருத்துகள் இல்லை:

கருத்துரையிடுக