புதன், 22 ஏப்ரல், 2009

வீட்டின் ஓசை

வீட்டின் ஓசை

----------------

ஒவ்வொரு வீட்டிற்கும்

ஒரு ஓசை உண்டு

படுக்கையை சுருட்டும் போதும்

பாத்திரம் கழுவும் போதும்

கும்மித் துவைக்கும் போதும்

குளித்து முடிக்கும் போதும்

சட்டினி அரைக்கும் போதும்

இட்டிலி வேகும் போதும்

கார் கிளம்பும் போதும்

கதவைச் சாத்தும் போதும்

டிவி அலறும் போதும்

குழந்தை அழும் போதும்

பிரார்த்தனை செய்யும் போதும்

பெரியவர் பாடும் போதும்

இரவுச் சிரிப்பின் போதும்

இன்பப் பேச்சின் போதும்

உள் வாங்கிய சத்தத்தை

ஒத்திகை பார்த்திருக்கும்

ஒவ்வொரு வீட்டிற்கும்

ஒரு ஓசை உண்டு

------------------------- நாகேந்திர பாரதி

--------------------------------------------------------------------

கருத்துகள் இல்லை:

கருத்துரையிடுக