சனி, 18 ஏப்ரல், 2009

கிராமத்துக் கிளிஞ்சல்கள்

கிராமத்துக் கிளிஞ்சல்கள்
---------------------------------
கண்மாய் அழிந்த போது
பிடித்த கலர் மீன்கள்
தோலூதித் தங்கம் மின்ன
துடித்த நெருப்புப் பொறிகள்
தோளில் தொங்கிக் கிடந்த
பச்சைக் குத்தாலத் துண்டுகள்
கோயில் கோபுர மாடத்தில்
குடியிருந்த புறாச் சப்தங்கள்
வாசல் சாண மணத்தோடு
வழி அடைத்த கோலங்கள்
மழைக் காலத்தில் பறித்த
கோலி விளையாட்டுச் சிறு குழிகள்
பள்ளி தொடங்கும் நேரம்
பாடிய பக்திப் பாடல்கள்
வெயிலும் மழையும் உறைக்காத
விளையாட்டுப் பருவங்கள்
பஸ்ஸிலும் ரயிலிலும் ஏறி
பராக்குப் பார்த்த பயணங்கள்
கிராமத்துக் கிளிஞ்சல்களாய்
உள்ளே தூங்கும் முத்துக்கள்
-------------------------- நாகேந்திர பாரதி
-----------------------------------------------------------------------------


கருத்துகள் இல்லை:

கருத்துரையிடுக