போராட்டம் - கவிதை
-----------------------------------------
சோப்பு வாங்கக் கடைக்குப் போனால்
இறங்கியிருக்கும் கதவு
வியாபாரிகள் போராட்டம்
போட்ட பணத்தை எடுக்கப் போனால்
பூட்டியிருக்கும் பாங்கு
வங்கியாளர் போராட்டம்
பஸ்ஸைப் பிடிக்க ஓடிப் போனால்
வரவேயில்லை வண்டி
பஸ் ஊழியர் போராட்டம்
ஆட்டோ பிடிக்கத் தேடிப் பார்த்தால்
ஆளைக் காணோம் எங்கும்
ஆட்டோக்காரர் போராட்டம்
நண்பன் ஸ்கூட்டர் ஆக்சிடெண்ட் ஆகி
ஆஸ்பத்திரி போனால் அடைப்பு
டாக்டர்களின் போராட்டம்
இந்தக் குறைக்குக் கேஸைப் போட
கோர்ட்டு போனால் கூச்சல்
வக்கீல்களின் போராட்டம்
போராட்டத்தில் பழகிப் பழகி
வயசும் போன பின்னே
மூச்சுக் காற்றின் போராட்டம்
-----------------------------நாகேந்திர பாரதி
My Poems/Stories in Tamil and English
கருத்துகள் இல்லை:
கருத்துரையிடுக