வியாழன், 7 பிப்ரவரி, 2019

புலரும் பொழுது

புலரும் பொழுது
-------------------------------
இரவெல்லாம் தூக்கம் வராக் காரணத்தால்
ஏங்கிப் போய்க் கொக்கரிக்கும் கிழட்டுச் சேவல்
உறவாடித் தென்றலிட்ட முத்தத்தின்
பனிச்சாறைப் பார்த்தேங்கும் பசுஞ்   செடிகள்

அடங்கிவிட்ட அலைக்கூட்ட மேகங்கள்
ஆகாயக் கடலினிலே அமைதிக் காட்சி
அவசரமாய் மரத்தை விட்டு பறவைக் கூட்டம்
அணிவகுப்பை நடத்துகின்ற ஆர்ப்பாட்டம்

எங்கேயோ செல்லுகின்ற ரயிலின் ஓசை
பிரிந்தவளின் நினைவுக்குச்  சுருதி கூட்டும்
பால்கார மணியோசைச்   சப்தம் வந்து
பாதியிலே நினைவுகளை அறுத்துப் போடும்
-----------------------------------------------------------------நாகேந்திர பாரதி
Humor in Business - Poetry Book

3 கருத்துகள்: