செவ்வாய், 29 செப்டம்பர், 2015

காதல் கண்றாவி - நகைச்சுவைக் கட்டுரை

காதல் கண்றாவி  - நகைச்சுவைக் கட்டுரை 
----------------------------------------------------------------------------------------------------
இந்த காதல் பண்றவங்க அட்டகாசம் தாங்க முடியலிங்கஒருத்தன் அவன் லவ்வரைப் பார்த்து ' நீ உதட்டைச் சுழிக்கிறது ரெம்ப அழகா இருக்கு' ன்னு சொல்லியிருக்கான். அவ்வளவுதாங்க. அந்த பொண்ணு ஓயாம உதட்டைச் சுழிச்சு சுழிச்சு கோணல் வாயா ஆயிப் போச்சு. தேவையா.

இவன் மட்டும் என்னவாம். ' நீ அஜித் மாதிரி இருக்கேடா' ன்னு சொன்னாளாம், இந்தப் பையன் ஒரு வாரமா போட்ட கோட்டைக் கழட்டாம நடந்துக்கிட்டு இருக்கான். படுக்கிறப்ப கூட கழட்டு றது இல்லை. நடு ராத்திரியிலே வேற எழுந்து இங்கேயும் அங்கேயும் நடந்துக் கிட்டு இருக்கான்.

இப்ப நடக்கிற பேய்ப் பட சீசனிலே பேய்ப் படம் பார்த்துட்டு வந்து படுத்த இவன் ரூம் மேட்டு ஒருத்தன்  ராத்திரியிலே இவனைப் பாத்துட்டு  பயந்து போயி ரூமையே காலி பண்ணிட்டுப்  போயிட்டான்.

இது பரவாயில்லைங்க. இன்னொரு நடுத்தர வயது காதல் ஜோடி. இவங்களுக்கு அந்தக் கால எம் ஜி ஆர் , சரோஜா தேவி ஜோடி ன்னு நினைப்பு. அந்த ஆளு கலர் கலரா டைட்டா சட்டை போட்டுக்கிருவார். இந்த அம்மா இடுப்பை ஆட்டி ஆட்டி நடந்து போகும். ஓசியிலே பழைய படம் பார்த்த திருப்தியோட சில தாத்தா பாட்டிகள் வேற இவங்க பின்னாலே திரியறாங்க.

அப்புறம் இந்த கம்ப்யுட்டர் கம்பனியிலே வேலை பாத்து டாவடித்து அப்படியே லவ்வான ஜோடிகள் வேற மாதிரிங்க. கையிலே எப்பவும் ஐபோன் லேட்டஸ்ட் வெர்ஷன் இருக்கும்  .  அதை ஆபெரெட் பண்ண தெரியுதோ தெரியலையோ அடிக்கடி எடுத்து ஏதோ கண்ணாடியைப்    பாக்கிற மாதிரி பாத்துக்கிறாங்க.

அவங்களுக்கு ஏத்த மாதிரி இந்த ஆப்பிள் கம்பனிக்காரனும் ஏதோ புது மெட்டல்லெ   ஐபோன் ஆறு எஸ் பிளஸ் கண்ணாடி மாதிரி விட்டுருக்கான். ஆப் பண்ணினா கண்ணாடி , ஆன் பண்ணினா கம்யுனிகேஷன்னு எப்பப் பாத்தாலும் அதையே பாத்துக்கிட்டு இருக்காங்கஇது தவிர ஏதோ பாகுபலி பாஷை மாதிரி ஒரு இங்கிலீஷிலே அவங்களுக்கு மட்டும் புரியற மாதிரி பேசிக்கிறாங்க.

இந்த காதல் கண்றாவியைப் பாத்தாலே எரிச்சலா இருக்குங்க. என்ன. இது மாதிரி எல்லாம் பண்ண முடியாம நமக்கு வயசாயிருசேன்னுதான். வேற என்ன. அதை எல்லாம் வெளியே சொல்ல முடியுமா என்ன. திட்டத்தானே முடியும்.
---------------------------------------------------------------------------------நாகேந்திர பாரதி


5 கருத்துகள்:

  1. மிகவும் இரசித்தேன்
    இயல்பாகச் சொல்லிப்போனவிதம் அருமை
    பகிர்வுக்கும் தொடரவும் நல்வாழ்த்துக்கள்

    பதிலளிநீக்கு
  2. எவரோ..ஒருத்தர் சொன்னாரு...காதலிச்சு பாரு..அப்பத்தான் எனக்க தெரியுமுன்னு...அட...அது இப்படித்தானா....!!!!!!!!!

    பதிலளிநீக்கு
  3. இந்த ஜோடிகள் எந்த ஊருல நண்பரே....

    பதிலளிநீக்கு
    பதில்கள்
    1. நம்ம சிங்காரச் சென்னையிலேதான் நண்பா

      நீக்கு