திங்கள், 6 மே, 2013

மறுத்து விட்ட காலம்

மறுத்து விட்ட காலம்




-------------------------------------



விளையாட வாப்பா என்ற போது



விரட்டி அனுப்பினாய்



விளையாட நினைக்கும் போது - பையன்



வேலைக்குச் சென்று விட்டான்



கடைக்குப் போகணுங்க என்ற போது



கத்தி அனுப்பினாய்



கடைக்குப் போக நினைக்கும் போது - மனைவி



கால் வலியில் படுத்து விட்டாள்



பணம் அனுப்புடா என்ற போது



பதுங்கி ஒதுங்கினாய்



பணம் அனுப்ப நினைக்கும் போது - அப்பா



பாடையிலே போய் விட்டார்



காலம் கூப்பிட்ட போது மறுத்தாய் - இப்போது



காலம் உன்னை மறுத்து விட்டது



------------------------------------------நாகேந்திர பாரதி






1 கருத்து: