ஞாயிறு, 1 ஏப்ரல், 2012

மயான வைராக்கியம்

மயான வைராக்கியம்
----------------------------------
வளர்த்த சொந்தத்திற்கு
வாய்க்கரிசி போட்டு விட்டு
கடைசி முறையாக
முகம் பார்த்து அழுது விட்டு
காடு விட்டு வீடு வந்து
கடந்ததெல்லாம் நினைத்துப் பார்த்து
காசெல்லாம் தூசென்று
பாசம் பொங்குகையில்
சிங்கப்பூர் மச்சான்
கேதம் கேட்பதற்கு
வளு வளு காரினிலே
வந்து இறங்கியதும்
பாசக் கணக்கெல்லாம்
பஞ்சாய்ப் பறந்து விடும்
வேதாளம் மறுபடியும்
காசு மரம் ஏறி விடும்
-----------------------------------------------நாகேந்திர பாரதி

கருத்துகள் இல்லை:

கருத்துரையிடுக