வியாழன், 27 ஜனவரி, 2011

ஒச்சாயிக் கிழவி

ஒச்சாயிக் கிழவி
---------------------------------
கருக்கல்லே  எந்திரிச்சு
கடுங்காப்பி குடிச்சுட்டு
கருவ மரம் வெட்டி
கரியாக்கிக் காசாக்க
பழஞ்  சோத்துச்  சட்டியோடு
புறப்பட்டுப் போனாக்க
பொழுது சாயறப்போ
உடம்பும் கருத்திருக்கும்
புடிச்சு வந்த மீனோடு
புதுச் சோறு சாப்பிட்டு
படுத்துப் புரண்டாக்க
பாதித் தூக்கம் வரும்
புருஷனும் போயாச்சு
புள்ளையும் மறந்தாச்சு
வருஷம் ஒரு வாட்டி
வந்து போற பேரனுக்காய்
உசிரைப் புடிச்சிருப்பா
ஒச்சாயிக் கிழவி அங்கே
-------------------------------------------நாகேந்திர பாரதி





கருத்துகள் இல்லை:

கருத்துரையிடுக